嘩...今年新年都真係.....唉~~不過,唔緊要,最緊要係我enjoy喎!!

都係果句,見到你地開心,我就已經開心晒~~^^

大年初一

因為我要去做花車既關係....今日,我係冇拜過年既,哈哈!!

其實四點幾已經去到場地,都唔知點解好似好多野做咁,時間好快就已經去到show time 八點啦,哈哈!!

今日最開心既,除左係可以同到我一班我最錫既導師一齊之外,就梗係開心可以參與到依個活動,仲有呀.....又可以見到Daisy 同 Ar Sze , 最攪笑既係竟然撞到一個老朋友,哈哈,又唔係真係好老既,只係真係太耐冇見囉~~哈哈

最後攪到成11點幾先整晒d野走,多謝Brain and Melody 陪我食野同飲野呀,呵呵!

大年初二

正式去拜年啦,哈哈!!其實今日又冇咩特別地方去過,只係去左婆婆到拜年,不過就可以見晒媽咪果邊既親戚啦!!哈哈!!之後又同屋企人入左去大清既大廟啦,哈哈!!!好鬼攰既我一路坐車就一路瞓,結果媽咪佢地都頂我唔順俾我番屋企瞓左一個鐘再去二嫂屋企拜年,哈哈!

大年初三

今日勁呀今日,就係黎左個大陸一日遊...嘩..攰到呢!!

的而且確我又真係瞓左好多覺,冇計,因為今日真係去左好多到!!

今日總共去左六個左右既屋企拜年,由我自己鄉下既寶安,跟住就去到廣州,再番去寶安然後去深圳.....嘩....哈哈!!好攰~~不過都係enjoy啦!!影得最多相既,就梗係Baby啦,佢第一次番大陸咋!!

今日係小朋友日....哈哈!!

今日既主要行程係去 'Siam Ocean World' ,其實又真係幾靚幾大!!都幾抵玩呀,因為90幾蚊就玩左我地成兩個幾鐘,又有3D movie,又有野飲送,仲有禮物添~~去左 Ocean World , 就梗係又係 shopping 啦!

唉....今次去Bangkok買唔到野既原因,就係因為好多野都已經變晒lu......有去開既shop加左價,又有去開既shop轉左老細.....哈哈,媽咪最開心,因為我終於都唔係購物狂啦!!

今日既 dinner 係向 'Suan Lum night bazzar' 哈哈!!! 今次去依間餐廳係的士叔叔介紹架,都ok好食喎!!我地食完野行左陣就走左啦.....因為阿仔要快d瞓啦,我同佢媽咪有下場嘛,呵呵!!

因為今日係 31號呀,周圍都好塞車,我地住果到係車都入唔到,要行番去!! 番到去快快叫左阿仔同媽咪瞓覺之後,我同kelly 就梗係要去對面既 Central World 倒數啦!!嘩....真係好多人...好多好多,但係又唔知點解唔似 HK 咁迫人既呢?? 今日好開心呀,好奇怪 , 人地倒數個個都拎住啤酒而我地兩個白痴仔就向到飲汽水.....激死呀!!! >.< 不過 , 都真係好開心 , d 煙花都真係好鬼靚,哈哈!!!酒店果邊既夜景都好得架,d X'mas 燈飾好似仲靚過HK呀!!